立法會議員石禮謙同政務司司長曾蔭權早排分別嫁女同娶新抱，噚日又輪到另一位立法會議員梁劉柔芬做奶奶，兒子梁耀宇迎娶大生銀行後人馬桂敏。
一對新人噚日早上於堅道天主教總堂行禮，噚晚同今晚更於灣仔君悅一連兩晚擺酒。富豪李嘉誠非常有心，朝早嘅婚禮同噚晚嘅婚宴都有到場，噚晚重有前任政務司司長陳方安生、律政司司長梁愛詩、立法會議員李柱銘、田北俊、周梁淑怡和富豪李兆基等猛人到賀。
婚宴另一個引人注目嘅焦點，就係近排嘅新聞人物劉鑾雄同鄭裕彤同場出現。噚晚彤叔七點九行出君悅門口接太太，被記者問到，傳聞大劉同佢個仔鄭家純不和，佢夾在中間係咪好為難？彤叔猛話「呢啲嘢唔該唔好問我」。十五分鐘之後，大劉陪同母親及弟婦到場，對記者提問充耳不聞，直入宴會場地。
傳真︰2623-9278
電郵︰
