身為藝人要犧牲的事情很多，尤其需在傳媒面前否定自己的感情事，對每一個藝人包括張震來說，都不是一件易事。
張震有一個拍拖四年的女朋友，她是台灣男歌星張震嶽女朋友路嘉怡的胞妹路嘉欣。目前路嘉欣正準備投身樂壇，未來可能會被冠以「張震女友」的稱號來出唱片。張震因為拍戲關係要經常離開台灣，兩人聚少離多，問他如何維繫感情？冷不防他說：「我都冇女朋友。」但二人曾多次被拍下約會照片，然而張震笑說：「同女性朋友出去食飯，並唔代表拍拖，我都冇時間拍拖，拍戲嗰時佢哋安排個女朋友畀我，我嗰時咪有，拍完我就沒有。」
問張震至目前為止曾經談過多少次戀愛，他語帶得戚地說：「都有十幾次，不過有啲好短，最長有四年。」張震又說：「小時候對愛認識唔夠，所以想去認識對方，但當發覺大家唔適合便分開。𠵱家鍾意睇書多啲，同書談戀愛，從書中去了解戀愛這回事。」
張震又承認在電影中常需刻意令自己愛上對手，這樣拍出來的感情戲才會逼真，所以他自己笑言曾愛上趙薇及董潔，不過當戲一拍完後，就會遊山玩水令自己從戲中角色跳出去，將螢幕上的一切纏綿捨棄。問張震可有考慮結婚？張震即認真地說：「總有呢一日，不過都要三十幾歲之後，到時個人穩定啲。」
問張震可覺得自己靚仔？他想一想笑說：「OK啦，但自己睇自己唔準！」至於他心目中誰是靚仔？他即說：「好似梁朝偉咁就叫靚仔喇，因為有自己嘅味道散發出嚟，咁當然我自己都有少少嘅。」不只是發憤目標，連個人形象都視偉仔為典範，看來他已將梁朝偉當成假想敵了！
撰文：馮美茵 攝影：陳慧安
化妝：JanetLee
髮型：GeorgeWongfromHeadquarters
服裝：LV
