自從胡應湘力主興建港珠澳大橋，四出奔走做「傳教士」，得罪了不少既得利益者，包括老朋友李嘉誠，世姪李澤鉅亦於去年辭去做了11年的合和實業（054）董事一職。話雖如此，這位老工程師仍然很念舊，為「李超人」開脫，「李生個人好好人，但一個咁大嘅機構，底下咁多人，你不排除有啲博出位，有啲擦鞋。」
還記得去年和黃（013）董事總經理霍建寧赤膊上陣，直指胡應湘提出建橋，是要附帶免費批地興建貨櫃碼頭去補貼大橋，「係做我世界」。胡應湘表示，事隔年多，李嘉誠最近請他共進午宴，他向李氏解釋，當時他是港口及航運局主席，認為香港有需要盡快建深水貨櫃碼頭，否則航運中心的地位會被內地及東南亞趕上。
「我見到有問題梗要出聲，如果唔係對唔住香港市民，又對唔住我自己。」但他很在意利益衝突問題，強調不會參與投資碼頭項目。他說：「你做公家嘢，就要犧牲，你就算見到點樣有利益都好，你都唔能夠接手，或者你要做都好，你都要做最後嗰個。」
經過這次飯局，胡李二人總算解開大橋的心結。「佢收尾講佢自己無反對建橋，係底下啲馬仔話反對。」胡應湘說：「我同佢其實無衝突，佢係一個好忠厚嘅人，大家講信用，但我對佢底下嘅人認識唔多，我唔敢話佢底下啲人點。」胡應湘舉的例子，是近期合和計劃在灣仔興建MegaTower酒店項目，遇到由一位前和黃要員組織的反對行動，但他表明絕不會留情面，「對於無理取鬧嘅人我哋唔使同佢客氣」。