「榮辱與共」中的「榮」是甚麼意思？
「榮」可能是有人笑笑口，以一敵五十萬之勢，話你們給別人誤導了，你們給別人利用了，而你就行到身水身汗佢都當你冇到！
「榮」可能是有人陰陰濕，以一人幾十萬票之勢，叫齊成百自己友入區議會，你投咗票都冇乜用！
「榮」可能是有人大大聲，以自己根本唔使有公信力之勢，話自己失憶又得，唔失憶又得，總之就唔使答你，你吹佢唔脹！
「榮」可能是有人叨叨光，以企喺楊利偉身邊之勢，畀人見到佢有得企喺楊利偉身邊，你冇得企。
「榮」可能是有人學學者，以玩電子遊戲好醒之勢，話𠵱家唔係道唔道歉嘅問題，𠵱家又唔係尊唔尊重嘅問題，總之冇錢就有問題，佢冇問題。
「榮」可能是有四個人專專家，以一國兩制一國大晒之勢，以港獨大你兩制，你有基本法在手都要叫pass！
「榮辱與共」中的「辱」是甚麼意思？
「辱」可能是有人戇居居，以難敵分組投票之勢，提親出來的私人草案永遠也不能在立法會中通過。
「辱」可能是有人長毛毛，以一俾幾十個差人包圍之勢，在示威時被迫要聽貝多芬。
「辱」可能是有人慘慘情，以六百萬俾一人玩死之勢，重要俾佢玩死多幾年。
唉，只有辱，沒有榮？