胡應湘一直對實行一人一票的普選持保守態度，記者與他談到「七一遊行」，他的反應令人有點意外。「我為嗰啲人感到好驕傲，冇搞事，表達力量，好似甘地和平示威。」他贊成盡早進行政制檢討，「唔係等到2007年至做」。雖然他對普選仍有質疑，但他贊成逐步落實，按部就班，希望不會犯錯誤。「印度的錯誤是1947年一話獨立升旗，咁就即刻個個民選，到𠵱家40幾個政黨，做唔到嘢，結果無法子推動政策。」
胡應湘的理念是，社會中上階層人士數目少，實行普選，會由代表低下層的人士勝出。「我唔驚低下層，我只係驚利用呢班人嘅政客，有啲政客會以免費午餐、中餐、晚餐招徠，結果搞出平均主義。」他說，歷史上有兩個人推行平均主義，列寧和毛澤東，結果證明行不通。他指出，一人一票只是民主的其中一個範疇，最重要是有法治。
他又認為區議會委任制有好處。「有啲專業人士，你叫佢做全職議員，佢唔肯制，但將佢哋委任入去，會全面過只係得全職政客。」他建議，委任議員應沒有報酬，完全服務社會，任期可較短，定期輪換，最重要是不應以政治背景作為委任準則。
胡應湘坦言對政治沒有興趣。「因為你一話做政治，傳媒會將你以前啲女朋友全部搵晒出來，咁都無問題，最慘係佢連你想忘記嘅女朋友都搵埋出來。」