今日天氣凍冰冰，就算放假都慵慵懶懶唔想出街玩，不過留喺屋企做乜好呢？不如捉吓棋啦！可以訓練思考能力，十分益智！講起棋，通常棋盤和盒子的體積都非常龐大，不過今次介紹呢三款棋，外形均十分迷你趣致，加上盒面印上七彩繽紛的動物或卡通人物圖案，單是賣相已經贏得小朋友的歡心！
呢款棋嘅玩法其實相等於九子棋，即係「貓方」及「狗方」各有九粒棋子。有兩種玩法，較容易的玩法是雙方於棋盤上作攻防戰，哪一方能最先將三粒棋子呈橫線或直線放上就當贏。另一種玩法則與波子棋中的「食棋」玩法雷同，雙方可根據棋盤上的橫、直線移動，如對方的棋子旁邊有一空位，即可跳過及取走對方的棋子。
盒內的架子附有六條圓柱，紅、藍色圓形棋子各十五粒。玩法等同於四環棋，即是雙方各代表紅方或藍方，之後輪流將棋子放在架上，誰最先可以將其代表棋子顏色連環四粒呈橫放、直放或斜放則當贏。
「箭豬」及「兔子」各有十二粒棋子，遊戲開始的擺陣，驟眼看來有點兒似國際象棋，只是雙方的活動範圍限於棋盤上的綠色草堆格，移動時必須呈斜角方向。如兔子遇上箭豬，而對方的對角位是空的，兔子即可跳過及食掉箭豬，到最後誰人最快到達對方最底行，或是食掉對方所有棋子則為勝方。
售賣地點：小甲蟲
地點：銅鑼灣時代廣場9樓917舖
電話：25126353
