聖誕節就快到喇！唔知各位小朋友有乜聖誕願望呢？想要好多好多公仔？抑或年年考試都攞一百分呢？今次我哋有幸邀請到兒歌姐姐鄧婉玲Mimi，同我哋一班小蘋果，喺一個好童話式嘅環境裏，一齊做隻聖誕襪，之後將願望寫好放入聖誕襪內，掛上聖誕樹上，齊齊許願！
記者：吧吧啦 攝影：智良哥哥 場地提供：太古城廣場
鳴謝：Mimi姐姐（電郵：
點解我哋要特登做隻聖誕襪許願？相信各位小朋友聽童話故事都知道，傳說聖誕老人會喺聖誕節嘅夜晚，靜靜雞將啲禮物放入隻聖誕襪內，但係聖誕老人又點知我哋想要啲乜呢？當然就係直接將我哋嘅聖誕願望寫畀聖誕老人喇！不過封信又點樣畀到聖誕老人呢？寄信去北極畀聖誕老人？但係北極咁大，封信會寄失喎！對於呢個問題，Mimi姐姐就諗到個好計仔：「就係將願望放在聖誕襪內！」所以大家就夾手夾腳，齊齊做隻聖誕襪，顯出我哋嘅誠意。
有些小朋友明顯不懂針黹，好彩Mimi姐姐醒目，事前已預備好一些縫好的聖誕襪給雞手鴨腳的小朋友，小朋友只需貼上自己喜歡的圖案，之後將聖誕願望寫上或畫上心形卡紙上，塞上棉花及將襪口縫好，加上掛繩，一隻聖誕襪就大功告成！
小朋友的思想比較單純，希望聖誕節得到的東西大多十分簡單，例如想要毛公仔呀、貼紙等，不過亦有小朋友希望要部手提電話、有間屋等。
睇完小朋友嘅聖誕願望，就輪流將佢哋嘅心形卡，放入襪子裏並縫好襪口，由Mimi姐姐帶領，拿起完成嘅聖誕襪，合上眼睛誠心祈禱，希望聖誕老人將佢哋嘅聖誕願望一一達成。
