Twins今晚會參加無綫《歡樂滿東華2003》演出，大玩刀鋸美人魔術籌款，而吳剛昨日亦與保險顧問在將軍澳電視廣播城現身，爭取表演徒手捉鱷魚，不過最終亦被無綫製作部經理黃家亮拒絕。
女子組合Twins今晚在《歡樂滿東華2003》中，將參與「慈善群星大馬戲」環節，她們前晚在將軍澳電視廣播城綵排，並躲在箱中練習刀鋸美人魔術。
阿Sa說：「明顯世界上係冇魔術，要睇吓表演時叻唔叻，同睇嘅人開唔開心。」無綫曾詢問Twins想在《東華》表演甚麼，對此阿Sa說：「我想唱粵曲。」鍾欣桐（阿嬌）即插嘴說：「實在太夜啦。」身邊的助手怕阿嬌失言，即時加以制止，而阿Sa則補鑊說：「我哋要綵排演唱會，好多嘢做，屆時都有魔術表演，重勁啲。」
而表演嘉賓之一的吳剛，昨日亦與保險顧問在將軍澳電視廣播城現身，爭取表演徒手捉鱷魚，吳剛說：「之前同我講話保險唔受，咁我今日帶咗自己嘅保險顧問嚟傾！」無綫製作部經理黃家亮昨日亦親自與吳剛商討，吳剛甫見黃家亮即說：「得唔得呀？」隨後他拿出與鱷魚的合照給對方看，黃家亮說：「呢啲好似標本喎！捉鱷魚要有牌要有證書，你有冇呀？你冇吖嘛，你係功夫巨星嚟，生命好重要冇taketwo。呢啲嘢我哋唔可以輕率，出年度過另一個勁啲嘅節目畀你攞彩，唔使你搽油。」
吳剛再三要求將危險度減低，黃家亮則說：「咁就冇癮喇！」結果無綫以安全為理由，拒絕吳剛表演捉鱷魚。
採訪、攝影：楊潔雯、王崇穎
