莫文蔚（Karen）偕媽媽昨日往灣仔出席「媽咪寶寶暨家庭健康博覽2003」。Karen表示今年買了過百隻愛心熊協助兒童癌病基金籌款。
問Karen是否與柯受良熟稔？她說：「唔係好熟，但見過佢，佢個人好nice。幾年前見到佢時，佢同我講話：『喂，我個仔（柯有倫）就嚟入行，多多關照吓！』我話唔敢當，唔敢當。其實都唔敢話幫，咁啱之後我喺台灣出唱片，而柯有倫同我係同唱片公司，所以叫佢幫我隻《愛死你》Rap歌。本來聖誕節我喺北京嘅演唱會都有邀請柯有倫做嘉賓，但𠵱家發生件咁嘅事。」
問Karen可會致電柯有倫問候？她說：「唔好啦！佢𠵱家有事做，遲啲先啦！佢有才華，又乖仔。」
採訪、攝影：陳梅香