以反叛見稱嘅英國壞孩子RobbieWilliams，向來都唔介意喺人前露股，行為極之豪放。最近佢為咗宣傳新開嘅德國個人官方網站，更誇下海口話若然有一百萬網民登入，佢就會喺網站以全裸示人。
最近去到澳洲巡迴演出嘅Robbie，除咗英國本土外，亦相當重視德國市場，為咗配合最近先成立嘅德文官方網站（網址：
據Robbie所屬嘅EMI唱片公司透露，因為唔少歌迷渴望一睹Robbie嘅全相，𠵱家每秒鐘都有來自世界各地嘅網民登上該網址，而直至噚日為止，已經有近六十萬fans登上網站，Robbie相信喺幾日內就會俾網民剝光豬。
其實Robbie影呢輯相片，據聞係喺巡迴演唱期間即興拍攝，難得佢為咗宣傳網站犧牲色相，都算幾大方！