國泰航空近期好努力同中國航空界打好關係，上個月開始，重特別為四十位中國東方航空公司空姐，安排為期十八個月嘅特別培訓。呢班中國空姐，下個月會喺國泰飛機艙裏面實習，落手落腳招呼客人。最新一期《國泰天地》刊登咗呢批中國空姐大合照，雖然佢哋略帶「娘」味，但都勝在笑容可掬。國泰話呢項安排係互惠互利，東航空姐可以明白國際航線嘅工作要求，國泰空姐又可以乘機學吓普通話。
國泰真係「襟撈」，未來嘅中國係旅遊界一塊厚大肥豬肉，唔知國泰咁樣放長線，係想釣乜嘢大魚呢？飛完北京，唔知幾時可以正式飛去上海？
傳真︰2623-9278
電郵︰