噚晚馬匹拍賣會星光熠熠，多位名人如鄭裕彤、明嘉福、胡應湘、趙世光等人捧場，各人均投得心頭好。彤叔同明嘉福係第一次出席香港拍賣會，原本想揀二十八號，但估計成交價會投到好高，所以退而求其次，以二百一十萬投咗八號拍賣馬。明嘉福話有意改隻馬叫「黃鑽石」，因為「黃」代表財色，希望愛駒日後幫佢贏多些獎金。
哥頓自從九九年贏過「各施各法」後，再冇養馬，噚晚幫太太郭秀萍以二百萬投得十號拍賣馬。胡應湘話養馬成本高，所以興趣唔大，但為咗𠱁老婆大人開心，乜都值得，至於隻馬抵唔抵買，就要睇吓贏唔贏到先知。
（圖）哥頓為咗𠱁老婆開心，多多錢都肯使，真係恨死人。
傳真︰2623-9278
電郵︰