綽號「震波黎明」的陳錫明，不但練得一身谷胸好本領，原來照顧豬仔亦一樣好耍家。自兩年前貪得意購入寵物豬豬後，跟手又在自家農場義務代養三隻寵物豬，得出的心得是：「豬仔比狗仔要更聰明，只是服從性較低，但久經訓練一樣會聽教聽話。」見識了四隻豬仔百厭星猶如神犬上身的行徑後，即時顛覆了豬仔一向予人「豬咁蠢」的印象。
記者：尹珊珊
攝影：陳智良
電影《寶貝小豬嘜》裏頭的小豬嘜精靈可愛，但現實生活中，大家都會常聽到「豬咁蠢」、「懶過隻豬」一類形容詞，總之豬隻已同蠢鈍、懶惰畫上等號。曾參選港男的「震波」，卻在兩年前與豬仔的一次邂逅，種下情根，甘願成為「帶豬洪郎」。
「記得兩年前有次到別人的農場參觀，見到幾十頭豬BB在睡覺，一時貪得意便叫了一聲『喂！』誰料牠們的耳朵即時直立式豎起來，但眼睛卻仍然閉着，我才發覺原來豬仔好過癮，便用五百元買下一隻豬仔BB，改名做豬豬。」一向飼養開狗仔、貓仔的震波，從此移情別戀，將新歡豬豬帶回三年前自家開設的農場裏，更親手為愛豬建立豬窩。
雖然震波有飼養寵物經驗，但養豬仔還屬首趟。「豬隻比狗仔容易打理得多，只要定時餵足豬餿，很快便會肥肥白白。」眼見豬豬一日比一日長大，震波原打算為牠找個伴，剛巧一個電話令他得償所願。「有日突然收到一個陌生人來電，問我們農場可不可寄養寵物豬（體積較細的香豬），就這樣PatPat、P仔和細豬便成為了農場的一分子。」
雖然豬仔數目愈來愈多，但震波卻甘之如飴。「PatPat和P仔好醒目，我只用了兩個月便教曉牠們SitDown，而且豬比狗更聰明，只是服從性較低。」事實上，PatPat和P仔的確非常活潑，籠子一打開，便會以極速彈出，當發現震波手上拿着狗糧時，雙眼便發光追着獵物跑。
不過豬仔的破壞力亦相當驚人：「試過有次放豬豬出來玩，點知一玩就出事，原來豬隻鍾意食番薯，一見到田裏的番薯苗便即時張口大咬。」做大無規矩，做細的兩隻自然有樣學樣。「PatPat和P仔最鍾意偷偷哋入屋摷嘢食，搞到一屋亂七八糟，睇少眼都不可以。」
震波的農場，有點像著名文學家喬治奧威爾GeorgeOrwell的小說《動物農莊》AnimalFarm一樣，有首領、有跟班，只是動物們多年來一直相處得相安無事。
1.豬仔吃素，豬餿是其主要食糧，由於寵物豬並非作商業用途，故不宜混進谷肥的化學成份在內。
2.豬隻一病便會很容易死亡，故養豬的地方必須有瓦遮頭，平日則讓牠們走出來曬曬太陽。
3.冬天氣溫較低，每星期沖一次涼已足夠，反而夏天每日沖涼亦無妨。
4.豬隻的鼻子濕潤代表健康，乾爭爭則代表身體出現問題。
5.別以為寵物豬體積像電影裏的小豬嘜一樣細，其實成年後牠們的重量可達50-80公斤，想飼養的人要留意。
