郭羨妮、2R、歐陽妙芝和徐子淇昨日往銅鑼灣世貿中心，出席元氣壽司店開幕禮，2R非常高興，還自薦表演做壽司，深得壽司店老闆歡心。Twins是另一間壽司店的代言人，2R是否想跟Twins爭高下？
2R說：「我哋今日係做剪綵嘉賓，因為老闆係新加坡人，我哋又係新加坡人，可能係咁咪請我哋做剪綵嘉賓，我哋都希望可以做代言人，最好可以着和服，我哋未着過，好想着。」
剛剛從英國趕返港的徐子淇春風滿臉，有傳她跟洪天明復合，她說：「我哋一直都係朋友，好似之前夠話吳耀漢個仔（吳嘉龍）追我，我見過佢一次，佢又冇我電話，嗰日見到佢，我都係同佢講過兩句嘢，佢同我媽咪就講好多嘢，咁不如話佢追我媽咪。」徐子淇強調現階段不想拍拖，她說：「我對男人冇興趣，拍拖好浪費時間。」