中大新亞創院院長錢賓四先生喺九十六歲高齡之時，提出「天人合一」論，認為係中國文化對人類最大嘅貢獻。前任新亞院長梁秉中對錢穆先生嘅論點十分佩服，就想喺新亞校園最美嘅地方建「天人合一亭」紀念。
負責設計嘅中大建築藝術家陳惠基教授雖然唔係好識中文，但喺佢精心設計下，合一亭終於現於眼前，所謂海天一色，水天一色，天人合一嘅景界都盡有，現任院長黃乃正噚日同眾嘉賓為呢個被校長金耀基（圖左二）喻為「香港第二景」嘅小亭主持揭幕儀式，當然最要感謝係慷慨解囊嘅伍宗琳女士，自此之後，香港又多一個有山有水有文化嘅景點。
陳慧兒攝
傳真︰2623-9278
電郵︰