半島酒店噚日舉行七十五周年慈善晚會，好多名流官紳出席，特首董建華、立法會議員李國寶、影星王敏德同楊紫瓊都係座上客。李國寶話，自己十八歲就開始幫襯半島，近年重同太太成日去食飯，半島乜都好食喎！呢啲咪叫做出身富貴家庭囉。
半島老闆米高嘉道理致辭時，又特別提到啱啱過身嘅老員工陳栢，話好多謝佢服務半島七十幾年，將成副青春奉獻咗畀半島。一個大老闆咁樣公開多謝一位已過身嘅職員，場面真係感人；半島重安排陳栢嘅八歲孫女上台送禮畀董建華㖭！
噚晚嘅拍賣共籌到三百九十萬，全部捐晒畀五個慈善機構。
傳真︰2623-9278
電郵︰
