電影《飛鷹》將於下月推出漫畫集，楊紫瓊的造型和戲中十分相似，同樣有型。在戲中楊紫瓊親身上陣拍攝不少危險動作，其中一場車頂打交戲，楊紫瓊的威吔撞向電燈柱擦出火花，幸好該電燈柱已荒廢所以沒有電，她才不致觸電。
由楊紫瓊和任賢齊主演的動作賀歲片《飛鷹》，將根據電影改編成漫畫集，並於下月在東南亞發行，投資逾百萬元。
以往漫畫改拍成電影的例子很多，但由電影改編漫畫則較為少見，《飛》的漫畫造型模仿電影中的真人角色，其中楊紫瓊的造型十分有型，漫畫中的楊紫瓊戴上面具，和電影中造型幾乎一樣。
楊紫瓊在戲中當然不乏拿手的動作場面，故事講述一班外籍人士想打中國熊貓的主意，往內地偷熊貓，楊紫瓊為保護熊貓，不時要勇鬥外籍人士，其中拍攝一場車頂對打戲時，更是驚險百出。
導演馬楚成接受記者電話訪問時說：「楊紫瓊喺戲入面有好多危險鏡頭，佢自己要求全部親身上陣，唔用替身。我最記得有一場喺車頂嘅打交戲，因為架車郁，所以拍嗰陣好易有意外，後來我諗到一個方法，要楊紫瓊背部吊住威吔，有乜嘢事就成個扯起佢。」
馬楚成續說：「當推車軌拍攝嗰陣，我哋發現威吔突然撞向電燈柱，重擦出火花，嚇到我哋即刻停止拍攝。問番楊紫瓊有冇事，好驚佢俾電電親。好在檢查過後，發現電燈柱好耐冇用，已經冇乜電，只係虛驚一場，於是繼續拍攝。」
撰文：張止寒
