李蘢怡（Tiffany）和港姐曹敏莉最近拍攝了新一輯纖體廣告，大晒身材。雖然兩女各具姿色但老闆娘張玉珊表示很欣賞Tiffany的工作表現，為了獎勵她，明年會替她出一本寫真集。
今屆港姐冠軍曹敏莉當選後火速成為修身堂代言人之一，日前和另一代言人李蘢怡（Tiffany）齊齊穿上三點式泳衣，在遊艇拍攝硬照廣告，上圍34B的曹敏莉和36D的Tiffany身材各有千秋，成為眾人焦點。
在拍攝當日，張玉珊準備了豐富美食，讓Tiffany和曹敏莉在拍攝完畢時補充一下，估不到曹敏莉工作完後即大吃大喝，認真有自信。
Tiffany纖體成功後毫不介意穿三點式泳衣示人，老闆娘張玉珊對她寵愛有加，近日便跟她續了一年半新約。張玉珊日前在電話訪問中說：「其實我個個代言人都好乖，不過Tiffany又真係幾抵錫，佢影嘅相我都好滿意，我打算出年集結佢嘅靚相，然後再影多幾輯，跟住幫佢出本寫真集，畀佢做禮物，女仔可以留倩影，將來絕對係美好回憶。」張玉珊只為Tiffany出版寫真集，不怕令曹敏莉覺得偏心嗎？她說：「曹敏莉係港姐，佢任期未滿，所以要無綫批准先得。」
問到張玉珊會送甚麼聖誕禮物給Tiffany，她說：「我幫佢纖體成功，令佢自信心加強，係咪應該佢送番份大禮物畀我呢？」
對於明年再推出寫真集，Tiffany前日在電話中說：「上次本寫真集都好靚，可以keep得好啲再出另一本，我梗係好開心啦，始終女仔都係貪靚嘅。」
採訪：比華利
