今屆台灣金馬獎頒獎禮，最受矚目的是影帝獎項，賽前大熱是梁朝偉，他憑《無間道》與同片的劉德華爭帝。不過在《PTU》表現出色的任達華，則被視作黑馬，不可小覷。
本屆金馬獎明天在台南舉行，在本屆的入選電影中，由梁朝偉與劉德華主演的《無間道》有十二項提名，由任達華與邵美琪演出的《PTU》亦得到十一項提名，兩片都是本屆較矚目的電影。台灣各大傳媒都預測是影帝將是偉仔與華仔之爭，不過《PTU》的任達華亦不能忽視。
對任達華來說，偉仔必然是他的最大對手，因之前偉仔已憑此片奪得了香港電影金像獎「最佳男主角」，而且外間一直較看高偉仔一線。不過被視為本屆影帝黑馬的任達華，他在《PTU》所扮演機動部隊有型有格，減少了以往做戲的浮誇一面，也許他要多謝導演杜琪峰在設計其角色時，已令到角色佔盡優勢。
編劇鍾繼昌昨日接受電話訪問，他亦較看高偉仔一線，他說：「我覺得《PTU》嘅導演風格太濃厚，演員喺咁強風格籠罩下，鋒芒可能會減弱，所以任達華要爭影帝就難少少。至於劉德華喺《無間道》嘅表現，原本佢個角色係一個壞人，但佢想變番一個好警察，佢內心係應該有掙扎面，但佢嘅表現比起偉仔表現始終爭少少，呢個本身唔係華仔嘅錯，因為華仔個角色係比較難做，所以大家會覺得偉仔攞獎高一線。」
