李逸朗受父親影響愛上足球，並收集很多紅魔鬼曼聯球隊的產品珍藏。對李逸朗而言，收集足球產品不只是喜好，更是和父母增進感情的好話題。
憑演出無綫青春劇《當四葉草碰上劍尖時》人氣急升的樂壇新人李逸朗，自初中便收集很多曼聯球迷夢寐以求的珍藏，包括曼聯主場波衫及旗幟並有整隊球員的簽名、碧咸球衣、九九年紅魔鬼紀念封及電話卡、九七年來港的波飛、會章、○三年日曆海報和不同年份的足球卡等。
小時候不太熱愛足球的李逸朗，全受父親影響才愛上足球。他謂父親很愛踢波，而且球技很棒，他說：「細個睇波覺得幾悶㗎，因為要等好耐先會入一球，有時重會○比○㖭！直至有次爹哋帶我去旺角睇球賽，感受過現場嘅氣氛先覺得好緊湊。之後不時都同爹哋去踢波，而媽咪重會間唔中到場為爹哋打氣，嗰種感覺好開心。」
李逸朗又表示足球為他和父親增添感情，他說：「有時同爹哋講開波經同儲嘢，佢都會幫我留意吓，見到啱嘅重會幫我買埋㖭！」眾多曼聯隊員當中，李逸朗最喜愛堅尼，他說：「堅尼踢波夠放，又火爆，唔會就住就住，咁樣先至好睇同刺激㗎嘛！」
採訪：陳梅香
攝影：甄朝健
