鄔維庸前排因為王見秋事件忽然又走紅，重紅過南生圍條鱷魚，佢以前港大嘅宿友馬丁話自己同鄔醫生都係RicciHall嘅宿生，可謂「蛇鼠一窩」。
馬丁要自貶為蛇為鼠，八方都冇佢辦法，反正佢讀番書嘅，可能唔係幾明啲四字成語點解，又或者馬丁想幽鄔醫生一默啩。據馬丁形容，鄔醫生當年係典型醫科生，好叻仔，好正常，大家入咗大學先認識，由於大家都係天主教徒，所以都真係有好多相同之處。真係一樣米養百樣人，鄔維庸同馬丁都可以有咁多共通點，劉漢銓同馬丁亦都係九龍華仁仔，兩人又係法律界人士，但係兩人嘅民主理念就完全唔一樣。
講開九華仔，馬丁好關心佢師弟梁家傑有幾受歡迎？八方第一時間答，空降邊區都有得贏，馬丁都話厲害。
傳真︰2623-9278
電郵︰