日本性感女星佐藤江梨子，同《新世紀福音戰士》導演庵野秀明合作嘅科幻超人片《CutieHoneyTheMovie》，雖然要明年夏天先至有得睇，但由呢套電影改編而成嘅漫畫，最近就開始喺日本雜誌《特撮A》入面連載，大家除咗可以喺漫畫入面睇到佐藤點樣變成女超人之外，重見到佢嘅超美雙胸慘受皮肉之苦！
早前創刊嘅《特撮A》，以全新漫畫《CutieHoneyaGoGofromTheMovie》作為噱頭吸引客仔，由於漫畫以佐藤套戲做藍本，所以入面嘅場面都係參照套戲嚟畫，負責執筆嘅漫畫家伊藤伸平重搵番庵野秀明幫手寫劇本，務求原汁原味。
由佐藤扮演嘅女主角如月Honey，喺漫畫入面身材相當突出，正如先前報道所講，Honey變身嗰陣會出現全裸場面，不過大家唔好因為見到漫畫女主角露點，就以為佐藤會露埋一份，始終日本漫畫公仔露點係閒事，佐藤上位之後身嬌肉貴，點會去到咁盡呀！
不過Honey喺漫畫入面會俾怪獸抓傷雙胸，相信到時fans亦可以喺銀幕見到佐藤俾壞蛋𢱑損巨乳，認真陰功！