譚詠麟（阿倫）和李克勤昨日在尖沙嘴宣傳「左麟右李04開心演唱會」時，不停用動物來揶揄圈中人，乘機為演唱會造勢。
阿倫笑克勤似老虎：「佢屋企有老虎乸（指克勤女友盧淑儀）。」而克勤先指阿倫似獅子，及後又拿阿倫近日搭上二十三歲女子的緋聞開玩笑說：「不過呢輪有事，阿倫變咗鵪鶉。」
阿倫和克勤又揶揄圈中藝人，指張栢芝是土撥鼠，阿倫笑說：「冬天會冬眠，有少少春意即醒晒。」而余文樂則是秋田犬，阿倫說：「佢外形夠俊俏，狗公引到狗乸追。」
麥浚龍就被指是恐龍，克勤說：「由暴龍變速龍，再變翼龍，最尾咪『浚龍』。」近日正東和環球唱片合併，陳少寶離職，克勤將之形容為兩個動物園合併。
採訪：李珮洳
攝影：黃文成