八方昨日寫曾蔭權娶新抱，登咗好多張相，但仍有讀者話唔夠，問點解冇夜晚擺酒嘅嘢睇，當然係因為時間所限趕唔切啦。不過既然大家咁關心，不妨寫多兩筆。
呢個豪門夜宴，主人家雖然係官，但商界巨擘就畀足面。李嘉誠下午冇去觀禮，但夜晚就坐足全場；全城數得出名嘅有錢佬，全面到齊。有人講笑，話如果有個炸彈在君悅爆炸，真係會令香港經濟癱瘓。不過話時話，八方在無數富豪之中，獨係見唔到恒基李兆基，莫非佢不在港？
至於高官，更加數唔晒，港澳特首阿華同阿鏵都有嚟飲；至於一班前行會成員，就安排坐埋在同一張枱，對住新人講舊事。
傳真︰2623-9278
電郵︰