鄧肇欣一直對頭巾情有獨鍾，她每到一個地方，必定會搜羅不同風味的頭巾，收藏眾多，自然對戴頭巾的方法亦有心得，她日前就即場示範了三種不同款式的戴頭巾方法。
劉德華契女鄧肇欣（Ellis）從小就喜愛摺餐巾，她憶述說：「我細個成日同屋企人去飲茶，小朋友通常都係最無聊嘅，咁我就鍾意攞條餐巾係咁摺。」餐巾摺得多，長大後見到頭巾很自然便一見鍾情。
Ellis挑選了二十八條頭巾跟讀者分享珍藏的成果，她的頭巾全部都色彩鮮豔。問Ellis為甚麼特別鍾情彩色頭巾？她說：「我好鍾意Colourful嘅嘢，因為我覺得每日瞓醒見到啲咁鮮豔嘅顏色，個人就自自然然好開心，所以我好多衫都係鮮色㗎！」她續說：「有幾條頭巾係fans送嘅，其餘都係自己買，除咗香港，有時去加拿大、美國或者荷蘭都會買吓當地嘅頭巾。」
Ellis還即場以純熟的手法示範了三種不同戴頭巾的方法，見她在數秒內就能弄得一頭新款式，真是歎為觀止。
Ellis說：「其實懶嘅人都可以揀戴頭巾，因為真係好方便，唔驚大風吹亂頭髮，而且又可以當係種飾物，睇起呢感覺又型啲。」
採訪：陳梅香 攝影：陳慧安
場地提供：Oldies
