Twins兩位靚女一向予人嬌滴滴之感，最適合穿着日本時裝。鍾欣桐喜歡以不同的日本流行品牌衣服互相搭配，如以BeamsBoy帽襯一身便服，蔡卓妍自言是超級adidas擁躉，愛上其大葉logo和三間。
人氣女子組合Twins的蔡卓妍（阿Sa）和鍾欣桐（阿嬌）打扮一向甚具潮流觸覺，二人亦情傾熱爆港日兩地的日本品牌服裝，阿嬌更是連配飾也不放過，日前她便頭戴BeamsBoy皮帽，穿Neighborhood皮鞋，Gomme黑色珠片冷手套等，身上的則是CommedesGarcons紅色T恤，與英國的VivienneWestwood牛仔褲互相輝映。
至於阿Sa則一向是adidas的忠實fans，所以在她身上一定會發現adidas的蹤影。日前她就以adidas大logo皮帶和adidas×ABathingApe波鞋示人，並以黑色雞仔嘜打底，外襯TheSimpsons公仔二手衫和Zucca褲，不過最特別是她將用來箍襪的adidas腳帶套在手臂上。
阿Sa說：「我啲衫一向自己配搭，總之靚就得，但我就鍾意撞顏色同玩layer，不過我係adidas超級fans，所以喺我嘅身上會有好多唔同款式嘅adidas產品。我鍾意adidas塊葉同三間，真係好型，我就連人哋用佢塊布做嘅高踭鞋，或者波波我都當珍藏。」
阿嬌自成為收身代言人後，衣着打扮就變得相當謹慎，阿嬌說：「揀衫一定要適合自己身形，唔可以乜都着上身，我嘅大忌就係唔可以着一啲令自己睇起上來又肥又矮嘅衫，當然又唔係次次要着鬆身衫，我會選鬆身中略帶收身效果嘅衫。」
採訪、攝影：駱華齡
