英國駐港總領事何進爵士SirJamesHodge同佢太太Frances快將離開香港，返回老家，佢近日特別寫咗一封情詞並茂嘅公開信，向各界人士講拜拜，多謝各方支持。接任人柏聖文，聖誕前會由北京嚟香港接班。
轉眼間，大肚腩總領事已經嚟咗香港三年幾，本來香港已經平穩過渡，冇乜大風浪，但係一場沙士、一條23條，搞到特區永無寧日，英領事館要打多幾個報告，重申吓立場。
係人都知道英國人係外交高手，貝理雅大把國內事件要面對，邊得閒同中國為香港翻枱？幸好五十萬港人行上街，清楚表達自己嘅訴求，不要23條。
無論如何，落實中英聯合聲明，英國首相簽過紙，英方責無旁貸。何進話見到香港經濟開始復甦，都走得開心啲，其實全港六百萬人，包括好多土共，內心都懷念英治時期做人嘅尊嚴，何領事返祖家，一路都安樂咯。
（圖）英國駐港總領事何進爵士好快就返英國。
傳真︰2623-9278
電郵︰