滙豐自八八年以來,年年聖誕都在總行外牆裝上紅白色燈飾,幾靚都睇到悶啦,今年終於有新嘢,玩「高科技」,前晚重特別請嚟十四位小朋友同大班艾爾敦一齊主持亮燈儀式。
今次滙豐出動「互動燈飾」,在外牆頭柱及三角形垂懸樑及樓梯安裝七百一十支由電腦控制的探照燈、螢光燈、大型射燈及長達一公里的LED燈,閃吓閃吓,可作燈飾滙演。由今日起直至年底,每晚六點半至午夜,每個鐘嘅十、二十、四十、五十分鐘播一次,大家可帶啲小朋友去睇睇點樣用燈飾營造落雪效果。滙豐一早就識得遷冊海外,時間證明,決策正確,今時今日,特區嘅經濟風雪飄搖,毋須用燈飾營造,都一片苦寒喇。
(圖)滙豐大班艾爾敦同十四位小朋友一齊主持亮燈儀式。
傳真︰2623-9278
電郵︰