石修的兒子陳宇琛（石仔）加入娛樂圈已一年，他自言在《當四葉草碰上劍尖時》播出後，除本來的一班年輕fans外，連師奶fans也增加不少。為了討好「米飯班主」，石仔近日自資拍了一輯靚相，部份更是赤膊上陣，石仔表示這批相會用來送給向他索取簽名照的fans。
陳宇琛是無綫力捧新人之一，他與父親石修近日齊往內地為無綫拍攝特輯。石仔自參演劇集《當四葉草碰上劍尖時》後，開始為觀眾熟識。他加入娛樂圈剛滿一年，表示自己已有一班忠實擁躉，每次出席公開場合時都會向他索取簽名照，但部份fans卻未有準備照片，有時只好失望而回。
為此，石仔近日特地到朋友的影樓拍了一輯靚相，以便在公開場合送給fans，其中部份照片更半裸上陣。
石仔日前在電話中說：「我咁樣影都唔係刻意嘅，因為影影吓突然有mood咪解開啲鈕，都唔係好性感啫！幫我影相嘅攝影師都係我嘅好朋友，所以我對佢都好放心。」
問石仔對自己的身形可感滿意時，他說：「我嫌自己太瘦，可能呢排工作忙瘦咗，我平時好食得，不過𠵱家咁嘅身形上鏡都啱啱好。」
石仔又透露自《四葉草》播出後，未知是否因形象似鄰家男孩，竟忽然多了一班師奶fans。父親石修愈老愈有男人味，而且身形亦保持得很好，令石仔十分羨慕，他說：「我希望將來無論外形同成就都可以好似爹哋咁，我以佢為我嘅目標同榜樣。有時遇到觀眾話我冇爹哋咁有型有款，我一啲都唔嬲，反而多謝佢哋咁欣賞爹哋㖭。」
採訪：比華利
