梅艷芳早前證實患子宮頸癌，昨日她本答應出席寫真集義賣活動，卻臨時缺席，不禁令人擔心她的病情。其好友梁家輝表示阿梅情況穩定，因怕天氣轉冷而受感染，故留在家中休息。
梅艷芳早前親口證實患子宮頸癌，她憑着堅強意志已完成紅館個唱及到日本拍廣告。阿梅原定昨日出席在銅鑼灣舉行的寫真集《現代女人心》義賣活動，並把所得善款撥捐兒童癌病基金。可是阿梅臨時缺席，其好友梁家輝、謝霆鋒、蘇永康和張衞健均往撐場。阿梅的缺席，不禁令人擔心她的健康狀況。
阿梅患癌後，仍堅持繼續工作，有傳因她的病情，需延遲到內地拍攝電影《十面埋伏》的計劃。阿梅昨日臨時缺席活動，令人感到意外。該活動原在傍晚六時舉行，記者守候了個多小時，只見阿梅的好友陸續到場。
梁家輝在台上說：「希望大家唔好噓我，我知大家等阿梅出場，我提醒大家阿梅有病，醫生希望佢休息靜養。我哋一班朋友商量過，天氣轉涼，加上公眾場合，唔適宜患病嘅人出嚟。大家可能失望，但阿梅託我講，今日大家盡心盡力去籌款，過一個有愛心嘅聖誕。」活動更播映了阿梅早前拍下的片段，呼籲大家支持善舉。
活動完畢後，梁家輝說：「阿梅情況穩定，暫時冇接受療程，但係有啲攰，大家唔好作無謂揣測，總之我哋係唔贊成佢拍《十》片，但佢認為應承咗人有責任同義務拍攝。遲啲演藝人協會改選，我都唔想佢咁操勞。」梁家輝又表示阿梅未知柯受良的死訊。
記者昨日致電阿梅經理人王敏慧，她解釋阿梅缺席原因：「今日天氣凍，好多人感冒，怕阿梅會凍親同俾人傳染，佢都係下晝先決定唔嚟，𠵱家喺屋企唞緊，佢身體冇問題。」
問王敏慧阿梅可會辭演《十》片？她說：「佢等劇組通知，重未決定。不過，阿梅近日俾朋友疲勞轟炸，楊紫瓊同鍾楚紅都勸佢唔好去。」
