張堅庭： 我同小黑十幾年前合作拍《富貴列車》，佢份人好熱情好客，幾乎帶我遊遍成個台灣，我哋成班朋友重叫佢做「灰姑娘」，因為佢好錫老婆，出嚟玩佢十二點前就要交人。聽講佢會葬番喺台灣，香港呢邊我哋就會搞個追思會，不過有乜都會先睇吓佢家人嘅意願，同埋等志偉喺台灣返嚟了解進程。
李安： 電影圈少了一條好漢，因為替身特技在外國人面前是一種中國人土法煉鋼方式的代表，當年在藝專讀書時常看見小黑騎着重型機車到處跑。柯受良在《條子阿不拉》當男主角，也讓我印象深刻，是個性情中人。
鄭裕玲： 我同佢有合作過，未識佢之前以為佢好惡，但係其實好好人，對佢嘅死我都好難過。
瑪利亞： 我覺得好可惜，我識咗佢近二十年，最後一次見佢係幾個月前喺北京，佢係中國人嘅英雄，好坎坷。小黑個名喺荷李活好響，亦都好受人尊重，真係天妒英才。我知道小黑本來諗住過幾日同個細仔學方程式賽車，人生真係化學，我覺得演藝人協會應該做啲嘢。
梁漢文： 我唔知佢飲乜酒，大家都係睇報紙先知，但我亦有聽聞小黑鍾意飲酒，但就唔知佢有冇哮喘。