《無間道III終極無間》前晚舉行首映禮，劉德華在電影末段殺死黎明後吞槍自殺不遂，有觀眾即叫囂道：「搞錯！咁都死唔去！」華仔透露他的角色要留在人世受苦，不過有記者表示看不明劇情，華仔即叫記者入場睇多次。
電影《無間道III終極無間》前晚在銅鑼灣舉行首映禮，出席的演員包括陳慧琳、劉德華、黎明、梁朝偉、余文樂、陳冠希、曾志偉及黃秋生等，而白龍王夫婦及林百欣亦親身捧場，除此之外，前來觀看的嘉賓還有林建名、鄒文懷、鍾再思及女友楊紫瓊、向華強夫婦、賭王四姨太梁安琪、王晶、王海峰及李萬祺等。
大會司儀在台上說，希望票房可以達一億港元，而華仔則表示如果票房有八千萬，自己已心滿意足，他又透露有信心可以達到這個成績，因為電影拍得好。不過記者看完電影後，不太明白劇情，在《無間道III》結尾中，華仔開槍打死黎明後吞槍自殺不遂，還坐在輪椅上說話，有觀眾即叫囂道：「搞錯！咁都死唔去呀！」
對此華仔說：「呢套戲的確比《大隻佬》更難捉摸，我喺戲入面死唔去，即係代表重要受苦，部戲好玄，咁佢做咗咁多壞事，梗係唔可以死得咁易。」有記者問究竟他是否殺了黎明，華仔說：「你哋入場再睇多次囉。」
問黎明可有信心電影收八千萬，他說：「咁香港就實在太好啦！」提到他在戲中被華仔殺死，會否擔心fans不開心？黎明說：「做戲之嘛！」今日是黎明生日，他表示生日願望是希望有更好的事情發生，更稱生日會在工作中度過。此外，早前黎明的父親被拍下與一名年輕女子一同到酒店的照片，黎明被問到此事時即笑一笑，並拍拍記者的手說：「呢啲事，唔好理啦，唔好理啦！」
陳慧琳（Kelly）前晚悉心打扮出席首映禮，她被讚演技有進步，表現高興，陳慧琳說：「我好緊張，未睇套戲，唔敢睇，我有請屋企人嚟睇，但冇請男友，都唔會同佢一齊入戲院睇啦，怕尷尬嘛。」而梁朝偉則表示與女友劉嘉玲一同到場，亦會一同睇首映，但嘉玲沒有上台，戲院內記者亦未有發現嘉玲的芳蹤。
