精明消費：
反轉女人倉掃齊護膚品OL衫
女人錢易賺，呢句說話今日又一次得到驗證，同一個倉同時推出兩樣女人至愛，CRABTREE&EVELYN護膚品破天荒半價傾銷，靚衫如Max&Co.、PinkLabel、Sportmax、Joyo等10幾個品牌低至1折撐場，護膚品同靚衫，兩樣都係女人心頭好，今勻唔破產就奇。
記者：黃婉冰 攝影：蔡鴻雯
模特兒：CherryKwong
化妝：CherryChu（DreamDestination）
開倉資料
FashionBargainSale
日期：即日起至12月14日
地點：尖沙嘴廣東道11號世界商業大廈3字樓海港城展銷集
時間：11:30am至8:30pm
查詢電話：21188008
購物滿$300送1支Lotion，送完即止。
CRABTREE&EVELYN
護膚品半價開倉
套裝包括香薰、沐浴露、潤膚露、爽身粉各1支，全部用鈴蘭百合花朵提煉而成，令你由頭到腳都散發清新花香。
手部潔膚乳液帶鼠尾草、黃瓜清香，徹底潔淨皮膚；潤膚露含維他命A、E及奶類蛋白，具抗氧化及滋潤作用。
洗髮水含正宗可可巴油，可徹底清潔頭髮，令髮質變柔軟，配合護髮素一齊用，唔使驚頭髮變禾稈草。
玫瑰花香Evelyn香薰，最適合送畀女朋友，男朋友就送支鬚後水喇，結合樹木、柑橘同其他香料，香氣清新，男士佳品。
浴鹽礦物成份蘊含死海海鹽、海藻精華及甘菊，可紓緩緊張及疲勞，浸一浸全身鬆晒。
要滋潤皮膚，沐浴油係最佳選擇，AlmondOil按摩浴油蘊含純天然杏仁油，高度滋潤皮膚。
名牌OL衫低至1折
在此提提你，今次開倉唔止護膚用品抵買，名牌OL服裝一樣唔買對唔住自己，掃完護膚品，唔該巡巡場，掃埋靚衫走，一於由頭靚到落腳。
繡滿碎花的OnePiece背心絨裙，可以內襯一件樽領冷衫，斯文唔老成，返工最佳裝束。
外層燈心絨，內層夾棉，褸身薄但夠保暖，又可加條毛毛領，有型有格。
星期五便服日唔使着套裝，咁就不妨執多幾件斯文便服喇，針織通花冷背心襯半截牛仔裙，大路CasualLook，怕凍披多件外套，襯埋個的骰Monogram手挽袋，放工去蒲唔使換衫。
青春玩繡花，花邊橡筋樽領背心，簡單繡花集中在衫腳，顏色Pattern配搭簡單，下身襯條花巧繡花牛仔裙，手挽超厚絨料袋，上燙金色圖案，好搶眼。
無鈕、小企領，幼皮繩代替鈕扣，款式比一般西裝褸摩登，亦不失大方，襯西褲成熟穩重。
集西裝褸同牛仔褸元素於一身，Casual、Formal兩種襯法都得，同樣有夾棉，凍多少少着最啱。