如果你是上網買平機票的常客，而且又鍾意坐吓郵輪歎世界的話，呢排又多一個選擇！因為Priceline的「由你定價」服務，除咗之前各位睇慣玩熟的機票、酒店及租車服務畀你索價之外，最近還加入了「獅子星號郵輪假期」。
新增的郵輪假期包括兩條航線：其一是4日3夜香港往返三亞、下龍灣，其二是3日2夜香港往返海口航線。而這兩條於12月期間出發的航線，𠵱家已經可以上網出價，而且一個工作日內就可以得到確認回覆。提一提你，郵輪內有齊海景露台客房、高級海景客房及標準客房三種選擇，記得開價之前揀定自己要求的房間類別先至出價！咪以為搭郵輪好似搭飛機咁，只得經濟位先有得平！
記者：余敏
網址：