當偉哥環繞地球飛咗十四周之後，「楊利偉」已經唔係人！因為佢已經成為一件人肉商品。政客借佢過橋拉票助選，大陸商人借佢發展品牌，出品甚麼「楊利偉大白梨」，遲啲會唔會有「楊利偉太空褸」、「楊利偉TBack褲」、「楊利偉國產避孕套」就唔知，但係八方知道，連偉哥嘅親筆簽名，都有市場。
一位鄭小姐噚日喺報章登廣告，徵求所謂「《楊利偉》親筆簽名」，唔知點解，楊利偉三個字，竟然加上書名號，呢位愛國Fan屎，教育程度唔慌高。鄭小姐話厚酬真迹，純粹係幫一位唔願意出面嘅外籍太空迷代勞，佢唔怕俾人呃，事關佢有把炮辨別偉哥簽名嘅真偽，好似辦認「王德輝」三個字真假咁神奇。口痕友話，香港人三分鐘熱度，會唔會幕後有陰謀，土共自己做媒，想炒多一浸愛國狂熱，嚟抗衡吓○七直選呼聲？
傳真︰2623-9278
電郵︰