拍唐詩詠的打羽毛球照時，大風將羽毛球吹得無法預測球勢，只是這位美少女打起來仍有姿勢有實際，而她說：「我從未正式學過羽毛球，但唔知點解拿起球拍就識得打波，可以話係無師自通。」
Natalie說：「我爸爸係印尼華僑，而他在印尼時經常有打羽毛球，可能我亦遺傳了他打羽毛球或者做運動嘅細胞，當我細細個拿起羽毛球拍；基本上唔需要人哋點樣教，就已經可以同人搓到波。而現在羽毛球還成為了我最常玩的運動。」
除了羽毛球外，Natalie近來還愛上了騎馬，她說：「記得大約一年前，響一個同家人嘅食飯聚會中親眼見到馬，而自此就喜歡咗馬；之後朋友見我咁有興趣，就帶咗我去近距離接觸馬匹，最後重學埋騎馬。」
「初初學騎馬，要騎在咁大隻嘅馬上面係有啲驚，但當成功騎住隻馬四圍行時，帶畀自己好大嘅滿足感，重可以鍛煉到自己嘅膽量；而當你騎住隻馬跟住馬嘅節奏，響大片草地上面跑嘅時候，感覺既刺激又自由。」唐詩詠說。
她表示，騎馬運動量絕對唔輕，每次騎完都會好疲倦，她說：「由於近排工作比較忙，每個月只能抽一日去到粉嶺學騎馬。」
羽毛球：每星期2次，每次90分鐘
騎馬：1個月1次，每次90分鐘
跳舞：每星期2次，每次90分鐘
拉筋：不做運動就會拉筋
保齡球：每月1次
運動小貼士：「其實做運動無分冬天或夏天，總之有時間就應做運動；尤其是做如跑步及跳舞的帶氧運動，多些流汗，血液循環好些，自然能令身體強壯，皮膚也會靚些。」
早餐：麵包、鮮奶
午餐：麵
晚餐：魚、菜、肉、湯等
飲食小貼士：「多飲水，是其中一個有效改善身體的方法。而我每日起身都會先飲兩大杯水，而每日也會以水作為主要的飲料。」