大劉同王穎妤嘅罵戰轟動全城，為俾鱷魚、鬼屋、董太搞到心神不靈嘅全港市民，帶來娛樂性，為茶客帶來精神上嘅點心，為辦公室OL平添鬆弛神經嘅話題。呢單審死官懸案，對社會貢獻良多，得益嘅唔單止係茶客同OL，直頭連廣告商都獲益不淺。
咁講會唔會誇咗些少？八方噚日打開報紙睇到個廣告，有個聲稱以燕窩配方減肥修身嘅健康食品廣告，本來冇乜吸引力，但係廣告商好有諗頭，識得食住頭條八卦新聞條水，模擬咗一封由「曾經重達138磅的揼骨妹」致「Joe哥」嘅情信，寫得相當生鬼，娛樂無窮。
傳真︰2623-9278
電郵︰