政務司司長煲呔曾蔭權娶新抱，任職醫生嘅長子曾慶衍（Simon）迎娶靚女醫生莫蔚淇（Vivian），噚日下午在中環堅道天主教堂舉行婚禮，晚上則於君悅擺酒。
煲呔面子大，我哋董特首同澳門特首何厚鏵都專程嚟飲，重請到香港教區主教陳日君等幾位神父主持儀式，觀禮嘅親友達兩百多人，多位高官及商界人士都畀面出席，包括陳方安生夫婦、唐英年、孫明揚、李國章、廖秀冬、曾俊華、李國寶夫婦、李柱銘、詹康信等，李嘉誠雖然冇到，但兩位公子澤鉅同澤楷都先後到場。
煲呔呢兩日特別多愁善感，聽到一對新人宣讀誓詞時，講完”Ido”之後，又忍唔住開心到抹眼淚。
而撞啱最後一日返工嘅曾蔭培就風騷非常，抱住一歲幾嘅可愛孫女Emma滿場飛，佢話送咗一份家庭裝飾品做禮物，重祝阿哥「早添第三代」。
最好笑係，一哥忽然同阿哥嘅親家相認，原來新娘Vivian嘅阿爸十幾年前曾經同曾蔭培係波友，喺同一個運動中心打羽毛球，又會咁蹺。
傳真︰2623-9278
電郵︰
