法制社會，歧視現象絕對不該存在。之但係，某些人，天生是被人歧視的，你唔歧視他，簡直對自己唔起！比如獐頭鼠目、面無三両肉、雙眼大細超（真可憐，據說是某種古怪疾病的後遺症！）的男人，想不歧視他？難過登天！當然，樣貌欠佳不是死罪，雖有損巿容，有礙觀瞻，卻無法構成被人公開歧視的理由。
作為一個女人，對男人，我有明確要求，那就是，立場必須堅定。我欣賞為自己的選擇無怨無悔，拋頭顱灑熱血的男人。選擇正確與否是另一回事，至少義氣搭夠。我沒有職業歧視，奴才也是一份職業，做得好，一樣可以光耀門楣，著名的例子包括許多實施過宮刑的太監。我歧視的是那種對牆頭有特殊情意結的奴才，最愛騎在牆頭，搖搖晃晃，一時偏向左，一時偏向右，方向不明，純粹由風力決定。這也罷了，對一個充滿奴性的人，我們不該有過高要求。問題是，某一天，他自己從牆頭掉了下來，居然跳着腳，叉着腰，雙手亂舞，口沫橫飛指着主子的鼻子罵：「點解你道牆咁唔穩妥？你想跌死我呀？」
好吧！夠膽起主人飛腳，玩反轉豬肚，咁一於玩盡啲，走人啊笨！點解重留戀主人家茅廁旁那一席床位？點解重賴死唔走？
我一直懷疑香港的教育制度有問題，大細眼的行為印證了我的疑惑。中學讀名校，大學以一級榮譽畢業，再讀埋教育碩士，做一輪校長……的人，父母家人想必曾對他寄予厚望，點知，做奴才都做得不倫不類，唔湯唔水！
別再質疑主人家老眼昏花，揀極都是籮底橙、騎呢怪，一切都是教育制度的錯，他實在是揀無可揀，怪可憐的……