靴=Her？
朱茵Boots襯Burberry短裙廿對咁多

朱茵是不少男性心中的性感女神，原來她亦和其他女星一樣，冬天出席各種場合都十分喜歡着靴來襯裙，可以Casual亦能夠性感，難怪會贏得性感女神的稱號。

朱茵對於服裝配襯，從來都不假手於人，由自己配搭一番才會出街，她平時添置服裝，不太介意是否名牌，只要合適便會買。

不失女仔味
在冷冷的冬天中，朱茵鍾情以靴來配襯，她說：「Boots襯起上嚟可以有好多變化，着咗不失女仔味道，又會有型嘅感覺。長、短靴，平底或者高跟，但我就鍾意平底嘅靴多啲，會覺得好舒服。所以我買咗好多靴，屋企𠵱家都有十五至二十對！」
對於其他服裝配襯長靴方面，朱茵也甚有研究，日前她更以一條BurberryBlueLabel短裙襯長靴出席活動。

「顏色好緊要」
朱茵說：「我覺得襯裙最好，就算條裙係長、短或者全身裙，着咗出嚟都會好好睇。不過對靴嘅顏色都好緊要，我有麖皮、馬毛、布質等等，最好多啲color，而且有花紋會好好睇，我有彩藍色、朱紅色、白色花紋等等，唔同靴有唔同感覺㗎！」