型事偵緝：<br>㗎妹秋冬潮爆Headband玩粗厚

型事偵緝：
㗎妹秋冬潮爆Headband玩粗厚

Headband即頭箍，運動時套住佢最方便，不過喺潮流界卻是冒升得甚快的配襯配件。而㗎妹今季更推介頭箍為女生必備配件，又粗又厚的Headband潮必定熱爆！日本一眾女潮雜誌勁推介，街頭女生熱戴，加上本地女星們又頻頻示範，所以粗頭箍絕對成為帽子以外，秋冬大熱的頭上時裝！
記者：梁珮瑜
攝影：陳偉強
模特兒：HeidyHo&RegineKo@StarzPeople
髮型：StanleyChoi@IlColpo（31020123）

曲髮馬尾Headbandlook
髮型師Stanley推介曲髮或電咗爆炸頭的女生戴Headband，「咁樣就最型！」但其實若你係薄身直髮亦可以玩變髮，只需要15分鐘直髮亦可變曲髮，再束條馬尾就更靚。

■變身前長直髮

■馬尾Headbandlook

1﹒用曲髮器把長直髮變鬈。將一束頭髮扭成豬腸狀，然後繞圈夾上曲髮器，等數秒就完成。重複逐束夾曲便可，但毋須全部頭髮都夾曲，可保留部份直髮。

2﹒套上粗厚頭箍後，用平齒梳由上而下，將每束曲髮梳鬆。

3﹒曲髮馬尾玩蓬鬆
曲髮馬尾HeadbandLook完成，出街方便又有型！此變法適合鬈曲長髮，藉勁闊Headband玩蓬鬆感覺，無論是示範中這種曲髮、或是如曲爆炸裝都好看。而且方法夠晒簡單，就算係自己喺屋企都搞得掂。

長直髮簡單有型
長直髮亦可簡單套上Headband，一樣好看，而且變化多多任你玩。

短髮亂尾HeadbandLook
短髮變化無咁大，但束起Headband一樣型。Stanley建議短髮要玩凌亂美，露出頭箍的頭髮可以束馬尾或如圖中咁，Gel亂佢先至型。

■戴箍前

■短髮套上粗厚Headband一樣掂，但注意短髮重點在於凌亂髮尾，如果頭髮太短看不見，乍看就如戴上普通冷帽。同長曲髮玩蓬鬆一樣道理，露出的髮尾，要「搞亂」先至型。

■因模特兒Regine的短髮較薄，加上勁闊頭箍後效果不夠強，所以髮型師加了一束假髮，用髮夾夾穩在頭箍內便可。

星級髮型師教你Headband配襯衣着面形
今次教我們玩頭箍的髮型師是星級Salon的Stanley，屬於ArtisticTeam的他曾為不少明星設計髮型。「今季會興好闊的Headband，衣着淨色簡約可戴較花的Headband，相反花衫可襯淨色頭箍。」而Stanley認為Headband是相當易配襯的百搭配件，任何面形都適合戴，但要注意，圓面的女生戴頭箍應露出較多額頭，使面形看起來較修長；而相反面形較長的，頭箍就要遮額頭。

■StanleyChoi

頭箍今季要揀闊身
Headband係今季重點配件，很多店舖或女人街都可以買到，但必定要選闊身的粗厚款式。$38-$95

㗎妹力捧女星愛戴
Headband比戴冷帽的變化更多，㗎妹更勁玩不同顏色、花式的頭箍，街頭配搭值得參考。而香港女星亦好支持，Yumiko、鄭秀文、容祖兒、張栢芝都愛戴，但就以淨色為主，簡單低調一樣型。

■㗎妹街頭向來多潮流實戰示範，睇睇其HeadbandLook夠晒大膽多變化，日日襯衫都唔悶。

■女潮雜誌亦力捧Headband潮流，重話會由夏天Hit到秋冬㖭！

■香港女星以Yumiko至愛戴頭箍，經常以粗厚Headband配襯。

絲巾Headband玩變身
除了粗厚頭箍，HeadbandLook亦可用絲巾變身，好玩之處是可闊可窄，變化甚多日日都唔同，而且喺香港無咁凍的冬天就啱晒！但需要一點技巧。一條絲巾變化三個Look，愛花巧必定要睇真啲！

■不同摺法可綁成不同效果，絲巾Headband同樣好玩。再加上剛才學過的Headband配襯法，不妨融入其技巧，自己變髮！