香港車壇風雲變幻，續有令人矚目嘅舉動；早前，亞Mark曾經披露過，話快將於明年1月，正式落入森那美集團手上嘅法國標緻汽車，原代理為要部署順利過渡同移交工作，昨日經已正式通知，解僱前線及後勤約60名員工（工作至12月底），數量都可謂係近期較龐大嘅一次。
惟令人擔心嘅地方，會係呢班後勤員工嘅前途，事關新代理早已有強大嘅後勤維修部門，情況跟新打入香港嘅富豪代理商維信汽車有好大出入；究竟法國標緻汽車嘅前景，還有一班數目不菲嘅現有車主，繼後汽車嘅維修問題，相信要有待今個月中，新代理商正式發出聲明，方能解答到亞Mark嘅疑團喇！其次，位處港島汽車一條街心臟地區嘅標緻陳列室，英之傑會否拱手讓給森那美集團，可會是另一個車迷茶餘飯後嘅新話題；皆因現時整條街，英之傑旗下汽車佔有6間Showroom，大昌行則有4間，而森那美就只有3間而已。