謝霆鋒和陳小春這對情敵前晚出席無綫TVB8音樂頒獎禮，霆鋒表示與小春有傾有講，還相約結伴如廁。當他們分別從男廁出來時，霆鋒忙戴回手套，小春則忙於拉上褲鏈，有趣得很。
謝霆鋒、陳小春、莫文蔚、許志安、梁詠琪和李克勤等，前晚在無綫將軍澳電視廣播城出席《2003年TVB8金曲榜頒獎典禮》，所有到場的歌手均獲頒獎項，其中梁詠琪和莫文蔚分別獲頒「內地觀眾最愛女歌手獎」和「最受歡迎女歌手獎」。
前晚抱恙到場的霆鋒表示與小春有傾有講，二人還結伴如廁，霆鋒從洗手間出來時，忙於戴回手套，小春則忙於拉回褲鏈，相映成趣。
問霆鋒與女友王菲分手一事時，他說：「唔講呢啲嘢，我點解要用做嘢時間去澄清傳聞，咁多嘢要去澄清，我每日咪好忙。」對於有指王菲的新歌《將愛》是她的心聲，霆鋒說：「我唔知，我唔答。」
小春憑《黃豆》奪得「最佳音樂錄影帶演繹獎」，卻叫不出導演呂來慧的名字，台下的劉德華和霆鋒等拍掌取笑。
問小春是否約霆鋒一起往洗手間時，他說：「唔止，克勤、安仔同梁漢文都一齊去，你哋見唔到啫。我晏晝飲咗薏米水，晚上咪嚟料。」
此外，莫文蔚對於舊愛周星馳和洪金寶不和，她說：「唔知，唔清楚最近嘅新聞，當年我同星爺合作，我係新人，當佢係前輩，而我哋都當洪金寶係前輩，星爺絕對係要求高，或者每個人嘅表達方式都唔同，佢為人好投入。」問莫文蔚可擔心，她說：「兩個大人應該冇嘢，可能中間講嘢唔清楚，接收唔清楚。」
採訪：駱華齡、陳梅香
攝影：何國豪
