許志安原來很喜歡日本品牌服裝，每年都愛到裏原宿搜購包括Number（N）ine等品牌的服裝。安仔又表示穿衣視乎場合，在台上可以露T-back，台下他喜歡穿便服。
許志安近年的衣着打扮偏向日本風格，每季他都會抽空到日本置裝。
安仔表示有時潮流時興某些穿衣風格，但未必適合每個人，所以他建議大家不妨因應自己的身形去挑選服飾，除了服飾外，安仔亦很緊張髮型。
安仔前晚在無綫將軍澳廣播城出席「2003年TVB8金曲榜頒獎典禮」，穿了皮製日本牌子IsamuKatayama上衣，配了5351品牌褲子和購自I.T的GianniHarhato鞋子示人，安仔說：「我平時都好鍾意便服打扮，但都要視乎場合，有時上台演出可以大膽啲，我都試過喺演唱會着T-back，咁樣會畀觀眾有另一個新鮮感覺，一旦落咗台，我又可以好隨意，我好鍾意戴帽。」
早前，安仔出席另一活動時，則以裏原宿品牌Number（N）ine牛仔褲和adidas波鞋等較輕便的裝束示人。
原來近年安仔喜歡到日本置裝，他說：「我知道日本裏原宿嘅衫好潮，我都好鍾意去幫襯，有時重會買好多呢個文化嘅衫。不過，有時買咗返嚟先至覺得唔適合，我又未必着到，所以我有時都會留喺香港買衫，然後再將啲衫mix&match。」
採訪：駱華齡
攝影：陳慧安
