譚詠麟（阿倫）和李克勤前晚在順德舉行演唱會，抱恙的克勤獻唱時有少許走音。而阿倫的新緋聞原本會被擺上枱成為棟篤笑，但最後克勤放了他一馬。阿倫表示現在很忙碌，家中又擠迫，而且他忙於照顧家中的大大細細，根本沒時間搞緋聞。
譚詠麟和李克勤前晚在順德舉行「左麟右李」內地巡迴演唱會，現場三萬座位均爆滿，氣氛熱烈。抱恙上陣的克勤，前晚演唱時有少許走音。而日前有周刊報道阿倫跟一名約二十三歲的女子約會，還管接管送，克勤和嘉賓梁榮忠原本想用這話題做棟篤笑，但最後放了阿倫一馬。
演唱會完畢後，阿倫談到新緋聞時說：「乜我真係咁hit，咁有魅力咩？我唔使二十三歲，我𠵱家好擠迫（指家人很多），唔好嚇親我家中嘅大大細細。我喺屋企有好多嘢要做，要養魚、保護屋企大大細細，又要種吓鐵樹，如果有呢啲念頭，就唔使客氣。」
前晚是克勤的三十六歲生日，歌迷在演唱會上為壽星仔大唱生日歌，克勤還請助手上台為他拍照留念，他說：「我覺得好難得。」阿倫則取笑克勤：「佢好少做咁大型嘅騷，冇幾何有咁多人同佢唱生日歌。」而梁榮忠模仿特首夫人董趙洪娉早前呼籲預防沙士時的「重裝」造型出場，但現場反應卻欠佳。
此外，演唱會原本八時半開騷，但延遲十五分鐘才開始，阿倫說：「本來公安話要遲半個鐘，因為佢哋要徹查假飛情況，不過我同主辦單位講如果遲開騷，觀眾鼓譟，呢個責任邊個孭？結果只係遲咗十五分鐘。」阿倫又表示明年的農曆新年「左麟右李」將有全新布景，舞台上會加設很多機關。
記者胡比順德直擊
