噚日公益金百萬行搵到董建華伉儷擔任主禮嘉賓，咁董生董太主持完個大騷之後，就梗係循例同其他人握手sayhi，然後bye，點知董太突然停喺一處好耐唔走，大家重以為係咪有外國政要，原來董太握住前「百萬富翁」主持人陳啟泰隻手唔放，莫非係見到靚仔暈晒浪？
八方之後問番陳百萬，董太點解咁黐身？佢話：「其實因為董太係我師姐，佢第一次見我就叫我叫佢做師姐，咁佢今日見到我，都好似見細侄，再加上我同佢個大仔係小學同中學同學，小學時更加係同班同學，一齊讀聖保羅，不過𠵱家冇聯絡，董太叫我返母校搞籌款，到時我一定幫手。」嘩，親上加親，睇怕陳啟泰下次搭飛機，都可以指指自己個鼻，坐入去商務艙，話：我係董A1嘅契仔咯。
（圖）董太（左）同陳啟泰（左二）原來係好有淵源。
傳真︰2623-9278
電郵︰