今年香港車壇變幻無常，踏入12月份仍未見有靜止下來；上周五，亞Mark因公幹身在外地，惟深宵中卻傳來消息，話剛替富豪（Volvo）新代理維信汽車，出任GeneralSalesManager一職嘅FredKew，以及響本地車市有豐富經驗嘅市場部經理JessicaChe，不約而同地向總舵手嘅AndrewTam（譚博士）請辭。雖然事出突然令唔少行內人士感到意外，惟新代理成立短短兩個多月，業績經已節節上升，尤其係走CitySUV路線嘅XC90，響兩個多星期內已收到近百部定單，兩位可謂功不可沒，相信譚博士亦有同感。
而風聞兩位要員功成身退後留下嘅空缺，譚博士心目中亦早有一位合適人選，暫且等亞Mark賣個關子，之不過呢位神秘人早已呼之欲出，跟亞Mark相交亦幾近10年，對香港車壇可謂閱歷不淺，亞Mark在此戥佢開心之餘，亦期待新代理上軌道後嘅銷量，會再創新高呢！