劉鑾雄日前表示有人曾指他以前的女友都是雞，自己卻以blueblood（貴族）自居，對於這番話，大劉的前緋聞女友李嘉欣認為有修養的人不會這樣說話。而對於王穎妤月花十萬元買燕窩，李嘉欣說：「咁佢就應該好靚喎！」她更譏王穎妤影印情書留底是不正常的舉動。
王穎妤日前自爆五度拒絕大劉求婚，更曾為他仰藥自殺，其後大劉反擊，否認曾向她求婚，更指有人索取二億分手費，而鄭裕彤則踢爆曾為大劉做媒說親，及後大劉向彤叔道歉，但彤叔卻拒絕接受。
大劉日前接受訪問時，表示有人曾指他以往的女友是雞，他也願花很多金錢，而此人則自稱是blueblood（貴族），但大劉在她身上卻花很少錢。而王穎妤日前接受訪問，稱大劉曾表示「乜小姐」指她醜樣，但王穎妤當時回應覺得「乜小姐」靚便可以，因對方是香港小姐，靚是應該的。王穎妤更出示她寫給大劉的情信副本。
大劉的前緋聞女友兼八八年港姐冠軍李嘉欣，昨日在大埔出席公開活動，問到她可有留意大劉和王穎妤的新聞時，嘉欣說：「全香港人都有睇㗎啦！冇乜點。」對於有人曾指大劉以前的女友都是雞，自己則自稱blueblood一事，嘉欣回應說：「基本上稍為有讀過書、有修養嘅人，都唔會咁講。不過，任何人都有自由，我唔會對號入座，我唔覺得同呢樣嘢有任何關係囉！」有記者指嘉欣亦是大劉的前緋聞女友，她即說：「同我有乜嘢關係？有冇修養嘅人講嘅嘢，讀者睇就會知，邊啲話出自乜嘢人口中，就界定咗嗰個係乜嘢人同有冇修養。」
問嘉欣可認同此人是blueblood？她笑說：「我冇話認唔認同，一個正常有修養嘅人，唔好話blueblood啦，都唔會講呢番說話。」再問嘉欣可相信大劉曾向王穎妤求婚，她說：「冇話信唔信嘅。」
大劉曾指王穎妤月食十萬元燕窩，嘉欣昨聞言即語帶雙關地反問：「係咪真㗎？我冇詳細睇過。咁佢就應該好靚喎！」問嘉欣可有食燕窩養顏？她說：「我成六、七年冇食燕窩，好討厭嗰種口感，滑潺潺咁。」
再問嘉欣可曾收過情信？她笑說：「咁大個人，梗係有收過好多啦！不過就冇人登過報。我都有回過信，不過冇俾人公開。」那她可有影印情信留底？嘉欣答：「我儍咗呀？留嚟做乜？我過往認識嘅男人同男友同自己都比較正常，好少留底。人哋嘅行為唔關我事，反正我自己唔會咁做。」
不知嘉欣可曾試過買八十萬美金的首飾？她答：「我覺得一對情侶無論喺乜嘢情況，都冇需要咁樣做，話晒相識一場。」問她此言可是指大劉和王穎妤不應互數對方？嘉欣說：「兩個人拍拖就算分咗手都係曾經一齊過，冇需要咁，呢啲係風度問題。如果當初係咁諗，點解又會一齊？」再問嘉欣可曾獲大劉讓她使用附屬黑卡？她說：「我自己都有黑卡！」
嘉欣又表示與大劉很久沒有聯絡，問她可是因為王穎妤？嘉欣說：「唔係。」再問她可有見過王穎妤？嘉欣說：「可能好多年前有撞過都唔出奇。」對於今次被牽涉入此事，問嘉欣會否感到不開心時，她笑答：「我唔會唔開心，唔會為呢啲新聞而動氣囉！」
對於大劉指被前女友電話騷擾一事，嘉欣說：「我絕對冇電話騷擾任何人嘅習慣，點寫都冇所謂。」她更表示與所有前男友都能做朋友，而大劉則是個不聯絡的朋友。
此外，昨日大劉如常相約家人如胞弟劉鑾鴻及劉媽媽飲茶敍天倫，下午約一時半大劉到灣仔福臨門午飯時，保鑣人數明顯比往日多，而大劉對記者的追問統統不作回應，短暫停留五分鐘便匆匆離去。至晚上約六時，大劉現身銅鑼灣的上海國賓理髮公司，他明顯把鬚根剃掉，兩鬢鏟青，頭髮也略有整理。
採訪、攝影：娛樂突發組、陳梅香
