劉鑾雄日前透露他一名前度女友外表得體，但內裏卻貪婪和對其他人充滿歧視，某次這位前度女友向大劉發脾氣時，不但以blueblood自居，更狂踩大劉以前的女友是雞，一度引來諸般揣測。
身為大劉前度女友的王穎妤昨日透過好友作出回應說：「我從來冇講過劉生以前女友做雞，亦冇講過自己係blueblood，我唔想俾人利用攻擊其他人，唔想對劉生過去女友唔公道。」
而對於李嘉欣指王穎妤每月食十萬元燕窩「應該好靚」，王穎妤不怒反笑說：「多謝佢，咁即係證明我冇食到十萬蚊燕窩啦！」
至於大劉前日透過傳媒向王穎妤道歉，希望王穎妤放過他和不要再欺負他一事，王穎妤表示不欲對此作任何回應，只透過友人說：「我出嚟講嘢係幫爸爸，盡女嘅責任，無意再為過去嘅事糾纏落去。」