中港台多位文壇巨星噚日聚首中央圖書館，小說家王蒙、白先勇、詩人余光中、《蘋果》董橋。佢哋唔係搞甚麼文學巨星匯，而係一齊出力扶掖文學後雋。由中文大學文學院主辦嘅第二屆新紀元全球華文青年文學獎噚日頒獎，中港台等一千三百名中華兒女角逐殊榮。
睇落好似大陸同台灣青年威些少，短篇小說組同散文組冠亞軍都冇香港份，最叻都係中大醫學院嘅甄天懿同學，攞到文學繙譯組亞軍。大會請來多位文學大家頒獎，頒獎禮於是同場加插簽名會，同學仔個個爭住同偶像攞簽名兼合照，場面熱鬧。
中大校長金耀基喺晚宴上重好幽默咁話，噚晚係一晚不一樣嘅晚宴，因為座上有好多大大小小嘅文曲星，把燈關掉都夠晒光。文學獎籌委會主席金聖華一開席就話會有名家簽名嘅書攞出抽獎，搞到大家都唔捨得走開，希望中獎。
（圖）白先勇蜚聲兩岸三地，頒獎禮上好多fans爭相搵佢攞簽名。
傳真︰2623-9278
電郵︰